为歌曲分段(分别歌曲的曲式属于二段体或三段体)请举例!!

二段体︰ 分为AB两段，A段同B段有明显唔同节奏同旋律，所以又称AB Form。例如My Bonnie，全首歌分为4大句，第一、二句系A段，第一句同第二句系相似句，大家o既节奏同旋律大致一样，只有最后几个音唔同。第三、四句系B段，呢两句o既节奏同旋律一样系好相似，亦都只系得最后几个音唔同。不过同A段就完全唔同。A段节奏较快，短音较多，但B段有好多长音出现。 三段体︰ 分为ABA三段，前面AB段同二段体一样，只系三段体要再重复第一段 - A段，所以三段体又叫做ABA Form。三段体o既歌，好多时都会出现以下音乐词汇 - D. C. al Fine，因为D. C.即系从头开始，而al Fine即系直至见到 Fine呢个字先至完，换句话即系重复第一段。eg. 贝多芬 o既Minuet in G就系其中一首三段体o既乐曲。