忽然吃饭的时候想到的,比较有兴趣为什么这么叫
第1个回答 2020-02-10
螃蟹为啥又叫大闸蟹呢?
经过一番查考,发现有三个不同的讲法!
现代作家包笑天晚年写个《大闸蟹史考》,引用了苏州古籍收藏家吴讷士个说法:“凡捕蟹者,他们在港湾间,必设一闸,以竹编成。夜来隔闸置一灯火,蟹见灯光爬上竹闸,即在闸上一一捕之,甚为便捷。此是闸蟹之名所由来了。”搿搭块个“竹闸”,应该属于硬造个名称,伊实际就是“簖”。勿少人侪晓得,垃拉六朝时期,吴淞江下游个渔民发明了“沪”,搿种插拉河浜浅滩浪个竹栅栏,退潮个辰光可以拦牢鱼蟹;到仔唐代,由于“沪渎”经常作为地名出现拉诗赋当中,渔民们为了避免概念混淆,根据“沪”个“断鱼蟹之退路”功能,拿伊改称“簖”,所以陆龟蒙个《渔具诗·序》明确讲“沪,吴人今谓之簖”。搿歇,“簖”仍旧是江南农村个传统渔具,《现代汉语词典》对伊迭能解释:“拦河插在水里的竹栅栏,用来阻挡鱼、虾、螃蟹,以便捕捉。”既然“簖”从来呒没叫过“闸”,“大闸蟹”是因为捕捉工具而得名个说法就立勿牢脚。
前两日,趁到上海郊区去参观蟹塘个机会,问过一位年长个蟹农:“老伯伯,你晓得‘大闸蟹’名称是哪能来个??”搿个蟹农想了一歇,捞起一只螃蟹笑着讲:“记得伲阿奶讲过,雌蟹个半圆形脐盖像‘大闸门’,雄蟹个尖脐盖像‘小闸门’,伊拉身浪向侪有一扇‘闸门’,所以叫做‘闸蟹’或者‘大闸蟹’。镇文化中心搜集民间传说个辰光,我拿迭桩事体写下来了!”搿个蟹农看见我有眼勿相信,就从屋里向拿出一本镇文化中心编个民间传说集。搿个蟹农讲个内容,垃拉前人笔记文献搭仔相关书籍当中侪寻勿着,完全属于一种民间传说。“大闸蟹”是因为长相而得名个说法尽管生动,但明显属于硬装榫头,实在经勿起推敲。
其实,“大闸蟹”是从“大煠蟹”演变过来个。三国时期张揖个《广雅》提着:“煠,瀹也;汤煠也。音闸。”清代嘉庆、道光年间个苏州文人顾禄,垃拉伊个《清嘉录》里向讲:“湖蟹乘潮上,簖渔者捕得之,担入城市,居人买以相馈贶,或宴客佐酒。有‘九雌十雄’之目,谓九月团脐佳,十月尖脐佳也。汤煠而食,故谓之‘煠蟹’。”埃个辰光,卖蟹人挑担进城沿街叫卖,勿断高喊“煠蟹唻大煠蟹”,成为秋天个一道风景。搿搭块个“煠”是指煮,现在个《新华字典》仍旧拿“煠”列为“炸”个异体字,并解释成“拿食物放垃煮沸个油或水里弄熟”。螃蟹一般侪煠来吃,所以大家拿伊叫做“煠蟹”。老早黄浦江搭仔吴淞江出产个“清水蟹”,只头大、肉结实,拨上海人称为“大煠蟹”。大概是“煠”字比较生僻个缘故,日脚一长,谐音个“大闸蟹”就慢慢替代了“大煠蟹”,并且一直沿用到今朝。归根到底,“大闸蟹”是因为烹制方法而得名。
经过一番查考,发现有三个不同的讲法!
现代作家包笑天晚年写个《大闸蟹史考》,引用了苏州古籍收藏家吴讷士个说法:“凡捕蟹者,他们在港湾间,必设一闸,以竹编成。夜来隔闸置一灯火,蟹见灯光爬上竹闸,即在闸上一一捕之,甚为便捷。此是闸蟹之名所由来了。”搿搭块个“竹闸”,应该属于硬造个名称,伊实际就是“簖”。勿少人侪晓得,垃拉六朝时期,吴淞江下游个渔民发明了“沪”,搿种插拉河浜浅滩浪个竹栅栏,退潮个辰光可以拦牢鱼蟹;到仔唐代,由于“沪渎”经常作为地名出现拉诗赋当中,渔民们为了避免概念混淆,根据“沪”个“断鱼蟹之退路”功能,拿伊改称“簖”,所以陆龟蒙个《渔具诗·序》明确讲“沪,吴人今谓之簖”。搿歇,“簖”仍旧是江南农村个传统渔具,《现代汉语词典》对伊迭能解释:“拦河插在水里的竹栅栏,用来阻挡鱼、虾、螃蟹,以便捕捉。”既然“簖”从来呒没叫过“闸”,“大闸蟹”是因为捕捉工具而得名个说法就立勿牢脚。
前两日,趁到上海郊区去参观蟹塘个机会,问过一位年长个蟹农:“老伯伯,你晓得‘大闸蟹’名称是哪能来个??”搿个蟹农想了一歇,捞起一只螃蟹笑着讲:“记得伲阿奶讲过,雌蟹个半圆形脐盖像‘大闸门’,雄蟹个尖脐盖像‘小闸门’,伊拉身浪向侪有一扇‘闸门’,所以叫做‘闸蟹’或者‘大闸蟹’。镇文化中心搜集民间传说个辰光,我拿迭桩事体写下来了!”搿个蟹农看见我有眼勿相信,就从屋里向拿出一本镇文化中心编个民间传说集。搿个蟹农讲个内容,垃拉前人笔记文献搭仔相关书籍当中侪寻勿着,完全属于一种民间传说。“大闸蟹”是因为长相而得名个说法尽管生动,但明显属于硬装榫头,实在经勿起推敲。
其实,“大闸蟹”是从“大煠蟹”演变过来个。三国时期张揖个《广雅》提着:“煠,瀹也;汤煠也。音闸。”清代嘉庆、道光年间个苏州文人顾禄,垃拉伊个《清嘉录》里向讲:“湖蟹乘潮上,簖渔者捕得之,担入城市,居人买以相馈贶,或宴客佐酒。有‘九雌十雄’之目,谓九月团脐佳,十月尖脐佳也。汤煠而食,故谓之‘煠蟹’。”埃个辰光,卖蟹人挑担进城沿街叫卖,勿断高喊“煠蟹唻大煠蟹”,成为秋天个一道风景。搿搭块个“煠”是指煮,现在个《新华字典》仍旧拿“煠”列为“炸”个异体字,并解释成“拿食物放垃煮沸个油或水里弄熟”。螃蟹一般侪煠来吃,所以大家拿伊叫做“煠蟹”。老早黄浦江搭仔吴淞江出产个“清水蟹”,只头大、肉结实,拨上海人称为“大煠蟹”。大概是“煠”字比较生僻个缘故,日脚一长,谐音个“大闸蟹”就慢慢替代了“大煠蟹”,并且一直沿用到今朝。归根到底,“大闸蟹”是因为烹制方法而得名。