这两篇课文用广东话怎么读

杏林
我哋成日见到诊所或者医院里面挂住【杏林春暖】、【誉满杏林】嘅匾额。究竟【杏林】指嘅系乜嘢呢？系种满杏树嘅树林？佢同医学界有乜嘢关系呢？咁就要从【董奉】哩个人讲起喇！！！
相传喺三国时期，有一位医术高明嘅名医叫董奉，佢居住喺庐山上面。董奉本住【医者父母心】嘅胸襟，每日帮人睇病，但系就唔收诊金。
董奉将前来睇病嘅人分成两种：一种系病重一啲嘅，一种系病轻一啲嘅。病医好之后，董奉要病重一啲嘅人，喺庐山上面种五棵杏树；病轻嘅人，种一棵杏树。咁样过咗好几年，杏树竟然多到数都数唔晒，附近嘅山坡都变成咗一大片嘅杏林。
杏林都开花结果喇，等到杏子都成熟之后，董奉就喺杏林嘅旁边起咗一座谷仓，佢对附近嘅居民讲：【如果边个想要杏子嘅，唔使嚟话俾我听，只要带一篓谷嚟，放喺谷仓里边，就可以自己去树林里边摘一篓杏子带翻去。】
每年，居民攞嚟交换杏子嘅谷都好多，董奉就攞哩啲谷嚟救助穷困嘅人，俾佢救嘅人成千上万。由于董奉行医济世嘅高尚品德赢得咗大家嘅敬仰。因此，传说喺佢成为神仙之后，庐山一带嘅居民就喺杏林之中设坛祭祀哩位仁慈嘅医生。
如此一嚟，【杏林】就渐渐成为咗医家嘅专用名词，人们唔单只中意用热语【杏林春暖】、【誉满杏林】，仲会用【悬壶济世】、【仁心仁术】、【妙手回春】、【华佗再世】等嚟赞美好似董奉一样，具有高尚医德或者高明医术嘅医生。