事情系咁噶，我个女个几月的时候证实有先天性心脏病，系广州中山一院住咗半个月院，住院期间由我同我家婆照顾距（其实住院期间主要都系我照顾个女比较多，我家婆都系辅助我），到出院回家后，一直都由我一个人独立照顾，一直照顾到个女三个月我先出来做嘢，上班时间我家婆凑住，收工我自己凑返。嚟到呢度，问题开始出现，坐月噶时候我家婆同我讲话你专心凑好个女得啦，其他家务唔使你做啦。上星期五开始我一直感冒，个女由我家婆暂时凑住几日，直到寻晚我老公叫我家婆比返个女我凑（我老公一直都好孝顺噶，一直都觉得距阿妈帮我凑女好辛苦，想我多D体谅距阿妈，比多自由距。距地两仔乸平时好钟意打麻雀，简直可以用疯狂来形容，所以比较团结。）我听我老公咁讲之后就好火滚，感冒都未好返晒，就逼不及待要我凑女，系咪打少晚麻雀会死噶？然后夜晚训教个时训唔着，谂谂下又开始系度喊，我老公听到又好恶咁话我，有乜嘢问题直接讲系啦，净系识喊。我听距咁噶语气，更加伤心，马上开车返外家，到今日为止，我老公都未同我讲过一句说话。
你真系好5应该架！有乜都好，真系到解决5到先番外家....你甘一番去，做老公既好少会主动稳你架，你屋企人又会担心你喔，当你屋企人知道佐，甘姐系落你老公面，何必嚟？个女有事，做大人既大家都烦，有乜就开心见成讲出嚟咯......下次5好啦！！！米再自己喊啦，喊都解决5到既，无必要浪费眼泪，其实男人见到女人既眼泪都会觉得反感既... 查看更多答案>>
温馨提示：答案为网友推荐，仅供参考
