如题所述
还记得小学时期,每晚都准时看《都市笑口组》!刘汗、金桔、李富贵“笑口组铁三角”简直是我童年的偶像!虽然我一直都好顶唔顺个背景板,但系《笑口组》胜在有一班出色嘅演员!无论边个都可乸型可麻甩,可细路可老坑!演技冇得弹!今日就同大家简单介绍下阿咩最钟意嘅三位主演:刘汗、金桔、李富贵。
刘汗 真名:刘云明
演艺经历:《喜气洋洋猪八戒》、《七十二家房客6-10季》、《笑口组主题曲“笑崩牙”乐坛》、《乘龙怪婿1~4》、《放学我当家1》、《放学我当家2》、《跟红顶白大三元》《家大欢喜》第二季、《放学我当家3-5季》、《同居男女》、《蔡李佛拳2010》、《东成西就2011》、《桌桌有娱》
刘汗大学学嘅系播音主持,毕业后刘汗最初做嘅系健身教练,后来入咗南方电视台,主持过《食指大动》、《霓裳丽影》、《我爱返寻味》、《亚运冲锋号》、《为爱向前冲》、《城事特搜》等节目。
唔好以为刘汗肥肥大大咁,做过健身教练嘅佢,操Fit之后型到你唔信!
金桔 真名:胡向真
演艺经历:《都市笑口组》饰金桔、《我爱返寻味》、《粤夜粤娱乐》主持人、《全城热恋》、《现场直博》主持、《奋勇争先娱乐圈》主持、电视剧 《暖男老爸喜洋洋》饰吴温柔
声音清脆、性格爽朗、主持风格明快,好受听众喜爱,被大家称为“小珍珠”。主持嘅《飞星国际》除咗延续《飞星传真》嘅轻松、幽默外,更加入成熟、睿智元素,令节目更具可听性。笑口组里面嘅金桔,成日都要自毁形象,但系现实里面,金桔系一个靓到爆镜嘅大美女!
李富贵 真名:张鹏
演艺经历:《都市笑口组》饰演 李富贵、《乘龙怪婿》饰演武德训、《七十二家房客》饰演蔡广财(西洋蔡)、《笑公堂》等。
唔讲唔知,原来富贵出生于医生世家,喺广州畀人叫做“医术最好嘅演员”!大学毕业后富贵一直喺医院工作,同时都喺电台兼职,主持《美食情报》。后来加入《都市笑口组》仲辞去收入稳定嘅医院工作。