卜巨个街粤语什么意思

　　应该系“仆佢个街”，只要你明白“仆街”就知点解。“仆街”一词源于满清统治期间广州一带经常爆发反清复明的起义，于是满清政府就喺广州而家叫“法场地”（现珠光路至南关电影院之间）呢个地方设立咗一个好大嘅刑场，专门斩杀被抓获嘅反清志士。由于清初、中期广州系全亚洲最富裕嘅城市，回应起义嘅人并唔多。但第二次鸦片战争战败之后，经济嘅恶化，以及民族矛盾尖锐，引发更多人加入反清复明嘅起义里面。“法场地”几乎每日都要处斩大量嘅反清志士。而斩首行刑嘅时候，总会引来大批市民围观，嗰啲市民一边睇斩头，一边喺度议论，斩刀一落，人头落地，尸体就自然而然噉向前仆倒喺地上，于是周围围观嘅市民又会议论：“今日又有咁多人仆街咯。”而久而久之仆街就成咗“暴尸街头”嘅意思，成咗一句好恶毒嘅粤语闹人名词，例：睇你几时仆街。广东人（含港澳）闹人“仆街”时仲通常连用清朝满门抄斩嘅刑罚“冚家铲”，亦就系“仆街冚家铲”。至于另外一些解释“poor guy”、“sport guy”确实粤语有音近，但均为穿凿附会。

温馨提示：答案为网友推荐，仅供参考

当前网址：https://verywind.cn/ee/yyryry3xe7vf7jy3ye.html